Messaġġ 002
Komunika mill-Kummissjoni - TRIS/(2019) 02092
Direttiva (UE) 2015/1535
Traduzzjoni tal-messaġġ 001
Notifika: 2019/0377/F
No abre el plazo - Nezahajuje odklady - Fristerne indledes ikke - Kein Fristbeginn - Viivituste perioodi ei avata - Καμμία έναρξη προθεσμίας - Does not open the delays - N'ouvre pas de délais - Non fa decorrere la mora - Neietekmē atlikšanu - Atidėjimai nepradedami - Nem nyitja meg a késéseket - Ma’ jiftaħx il-perijodi ta’ dawmien - Geen termijnbegin - Nie otwiera opóźnień - Não inicia o prazo - Neotvorí oneskorenia - Ne uvaja zamud - Määräaika ei ala tästä - Inleder ingen frist - Не се предвижда период на прекъсване - Nu deschide perioadele de stagnare - Nu deschide perioadele de stagnare.
(MSG: 201902092.MT)
1. MSG 002 IND 2019 0377 F MT 26-07-2019 F NOTIF
2. F
3A. Direction générale des entreprises – SQUALPI – Bât. Sieyès -Teledoc 151 – 61, Bd Vincent Auriol - 75703 PARIS Cedex 13
d9834.france@finances.gouv.fr
tél : 01 44 97 24 55
3B. Direction générale des entreprises
Service de l'économie numérique
67 rue Barbés
94201 Ivry-sur-Seine
4. 2019/0377/F - V00T
5. Digriet dwar it-termini tal-awtorizzazzjoni minn qabel għall-operazzjoni tat-tagħmir tan-netwerk tar-radju previst fl-Artikolu L. 34-11 tal-Kodiċi Postali u tal-Komunikazzjoni Elettronika
6. Tagħmir tar-radju attiv tan-netwerks mobbli 5G imħaddem minn operaturi tat-telekomunikazzjoni ta’ importanza vitali, kif definit fl-Artikolu L. 1332-1 tal-Kodiċi tad-Difiża
7. -
8. Għall-finijiet tas-sigurtà u tad-difiża nazzjonali, l-abbozz ta’ liġi jintroduċi sistema ta’ kontroll qabel kull attività għall-operazzjoni ta’ ċertu tagħmir tar-radju tan-netwerks 5G. L-operaturi għandhom jibagħtu talba għall-awtorizzazzjoni lill-Prim Ministru. Dan jieħu deċiżjoni fi żmien xahrejn minn meta jirċievi l-fajl tal-applikazzjoni komplut.
Dan jiddetermina jekk hemmx riskju serju ta’ preġudizzju għall-interessi tad-difiża u tas-sigurtà nazzjonali, abbażi tal-kriterji definiti fil-liġi u, b’mod partikolari, fir-rigward tal-garanziji pprovduti mit-tagħmir għall-integrità, is-sigurtà, id-disponibbiltà tan-netwerk jew għall-kunfidenzjalità ta’ messaġġi trażmessi u ta’ informazzjoni relatati mal-komunikazzjoni.
Jekk wieħed minn dawn il-kriterji mhuwiex garantit, it-talba għall-awtorizzazzjoni tista’ tiġi miċħuda mill-Prim Ministru. Għall-analiżi ta’ dan ir-riskju, it-termini ta’ tnedija u ta’ operazzjoni implimentati mill-operatur, il-livell ta’ sigurtà tal-apparat u l-fatt li l-operatur jew il-fornituri tas-servizzi tiegħu, inkluż permezz ta’ sottokuntrattar, ikunu jew ma jkunux taħt il-kontroll jew soġġetti għall-atti ta’ interferenza ta’ Stat mhux Membru tal-Unjoni Ewropea, għandhom jiġu kkunsidrati.
Id-digriet jistabbilixxi t-termini tal-awtorizzazzjoni, in-natura tal-kundizzjonijiet li jistgħu jiġu mehmuża mal-awtorizzazzjonijiet u l-lista tad-dokumenti fil-fajl tal-applikazzjoni.
9. It-tnedija tal-5G iżżid ir-riskji taċ-ċibersigurtà relatati mat-tagħmir tan-netwerk minħabba:
(1) l-ispeċifiċitajiet tekniċi tal-5G (ġestjoni dinamika tan-netwerk ta’ aċċess, introduzzjoni ta’ unitajiet ta’ proċessar ta’ informazzjoni fit-terminali tan-netwerk - edge computing) u
(2) il-każijiet ta’ użu tal-5G għal skopijiet industrijali, għal ċerti aspetti kritiċi (pereżempju vettura konnessa / awtonoma, industrija tal-futur, netwerks tal-enerġija, eċċ.).
Dawn ir-riskji miżjuda joħolqu rekwiżiti ta’ sigurtà ġodda għat-tagħmir li jappoġġja n-netwerks futuri tal-5G, kemm f’termini tal-karatteristiċi tekniċi intrinsiċi tagħhom, kif ukoll l-obbligi legali li jistgħu jġiegħlu lill-fornituri tagħhom jikkooperaw mal-awtoritajiet barranin fil-ġbir ta’ informazzjoni.
Fir-rigward ta’ dan it-tħassib ġdid dwar is-sigurtà u l-iżviluppi reċenti fil-pjanijiet tat-tnedija tal-5G ta’ ċerti operaturi Franċiżi tat-telekomunikazzjoni li jistgħu jipperikolaw is-sigurtà nazzjonali ta’ Franza, ġie sottomess abbozz ta’ liġi dwar is-sigurtà tan-netwerks minn bosta deputati tal-maġġoranza. Dan għandu l-għan li jistabbilixxi sistema ta’ awtorizzazzjoni minn qabel għat-tagħmir tan-netwerk tar-radju u huwa kkumplimentat minn żewġ testi ta’ implimentazzjoni.
Ir-regolament Franċiż huwa wkoll parti mill-approċċ koordinat fil-livell tal-Unjoni Ewropea, mibdi mill-Kummissjoni Ewropea.
Ta’ min wieħed ifakkar li, wara l-konklużjonijiet tal-Kunsill Ewropew tat-22 ta’ Marzu li għadda, il-Kummissjoni Ewropea ppubblikat rakkomandazzjoni dwar is-suġġett fis-26 ta’ Marzu, fejn fakkret ir-riskji ewlenin marbuta mat-tnedija tal-5G (b’analiżi li hija konformi ma’ dik ta’ Franza), u stiednet lill-Istati Membri biex jadottaw mekkaniżmi nazzjonali li jippermettulhom jindirizzaw kwistjonijiet ta’ sigurtà futuri relatati mat-tagħmir tal-5G, filwaqt li jwettqu skambji fuq livell Ewropew dwar l-analiżi tar-riskju u l-miżuri adottati bħala rispons.
10. Ma jeżistux testi ta’ referenza
11. Iva
12. Hemm bżonn urġenti li l-awtoritajiet Franċiżi jistabbilixxu qafas legali ġdid għal żewġ raġunijiet:
1° Mill-bidu tas-sena 2019, it-tnedija tal-5G bdiet bħala esperiment. It-tagħmir użat għal dawn l-esperimenti huwa maħsub biex jiġi integrat fin-netwerks miftuħa għall-pubbliku tal-operaturi tat-telekomunikazzjoni, meqjusa bħala operaturi ta’ importanza vitali. In-netwerks ta’ dawn l-operaturi huma essenzjali għan-Nazzjon u għandhom ikunu protetti b’mod imperattiv kontra kull theddida. Il-wasla tal-5G se tirriżulta f’riskji ġodda għal dawn in-netwerks, għalhekk huwa meħtieġ li l-awtoritajiet tal-Istat jiġu permessi li jikkontrollawhom malajr kemm jista’ jkun. Fil-fatt, is-sigurtà nazzjonali ta’ Franza ma tista’ tesperjenza ebda dewmien.
2° Barra minn hekk, l-irkanti tal-5G se jibdew fil-ħarifa tal-2019 fi Franza. Dawn l-irkanti jirrappreżentaw spiża ta’ investiment importanti ħafna għall-operaturi, għalhekk jeħtieġ li dawn jiġu permessi li jkollhom qafas ċar u stabbli biżżejjed upstream. L-operaturi qed jiffinalizzaw ukoll il-politika tax-xiri tagħhom u jinnegozjaw il-kuntratti ta’ provvista ta’ tagħmir tal-5G tagħhom mal-fornituri. Għaldaqstant, għandhom ikunu jistgħu jibbenefikaw malajr minn qafas legali ċar ukoll, bir-riskju, fil-każ kuntrarju, li titrażżan b’mod konsiderevoli t-tnedija tal-5G.
13. Le
14. Le
15. -
16. Aspett OTK
Iva
Aspett SPS
Le – L-abbozz mhuwiex miżura sanitarja jew fitosanitarja.
**********
Il-Kummissjoni Ewropea
Direttiva tal-Pont ta’ kuntatt (UE) 2015/1535
Fax: +32 229 98043
email: grow-dir2015-1535-central@ec.europa.eu
