Messaġġ 002
Komunika mill-Kummissjoni - TRIS/(2016) 03589
Direttiva (UE) 2015/1535
Traduzzjoni tal-messaġġ 001
Notifika: 2016/0615/B
No abre el plazo - Nezahajuje odklady - Fristerne indledes ikke - Kein Fristbeginn - Viivituste perioodi ei avata - Καμμία έναρξη προθεσμίας - Does not open the delays - N'ouvre pas de délais - Non fa decorrere la mora - Neietekmē atlikšanu - Atidėjimai nepradedami - Nem nyitja meg a késéseket - Ma’ jiftaħx il-perijodi ta’ dawmien - Geen termijnbegin - Nie otwiera opóźnień - Não inicia o prazo - Neotvorí oneskorenia - Ne uvaja zamud - Määräaika ei ala tästä - Inleder ingen frist - Не се предвижда период на прекъсване - Nu deschide perioadele de stagnare - Nu deschide perioadele de stagnare.
(MSG: 201603589.MT)
1. MSG 002 IND 2016 0615 B MT 25-11-2016 B NOTIF
2. B
3A. FOD Economie, KMO, Middenstand en Energie
Algemene Directie Kwaliteit en Veiligheid - Dienst Normalisatie en Competitiviteit - BELNotif
NG III – 5de verdieping
Koning Albert II-laan, 16
B - 1000 Brussel
Tel: 02/277.93.71
3B. Federale Overheidsdienst Volksgezondheid, Veiligheid Voedselketen en Leefmilieu
Directoraat-generaal Dier, Plant en Voeding
Dienst Voedingsmiddelen, Dierenvoeders en Andere Consumptieproducten
Eurostation, Victor Hortaplein 40/10, 1060 Sint-Gillis, België
tel.: 02 524 73 85
katrien.depauw@gezondheid.belgie.be
4. 2016/0615/B - C00A
5. Digriet Irjali li jemenda d-Digriet Irjali tat-3 ta’ Marzu 1992 dwar it-tqegħid fis-suq ta’ nutrijenti u ta’ oġġetti tal-ikel li magħhom ġew miżjuda n-nutrijenti
6. L-oġġetti tal-ikel: ikel imsaħħaħ u supplimenti tal-ikel
7. - Ir-Regolament (KE) Nru 1925/2006 dwar iż-żieda ta’ vitamini u minerali u ta’ ċerti sustanzi oħra mal-ikel
- Id-Direttiva 2000/13/KE fuq l-approsimazzjoni ta’ liġijiet tal-Istati Membri li għandhom x’jaqsmu ma’ tikkettjar, preżentazzjoni u riklamar ta’ oġġetti tal-ikel.
- Id-Direttiva 2002/46/KE dwar l-approssimazzjoni tal-liġijiet tal-Istati Membri dwar is-supplimenti tal-ikel
8. Dan l-abbozz ta’ digriet jemenda d-Digriet Irjali eżistenti tat-3 ta’ Marzu 1992 dwar it-tqegħid fis-suq ta’ nutrijenti u ta’ oġġetti tal-ikel li magħhom ġew miżjuda n-nutrijenti
L-abbozz ta’ digriet jistabbilixxi l-livelli massimi għal vitamini, minerali u mikroelementi fis-supplimenti tal-ikel u fl-ikel imsaħħaħ (l-Anness 1) li ma jistgħux jeċċedu r-rakkomandazzjoni ddikjarata ta’ konsum ta’ kuljum/kwantità tan-nutrijent ekwivalenti għall-konsum medju ta’ kuljum tan-nutrijenti (kif definit fl-Anness 2).
L-abbozz ta’ digriet jinkludi l-bidliet li ġejjin fid-digriet eżistenti:
- l-ebda bidla fil-livelli massimi għan-nutrijenti li ġejjin: vitamina A, niaċina, vitamina B6, kalċju, kromju, fosforu, jodju, potassju, manjeżju, molibdenu, silenju, siliċju, żingu;
- it-tneħħija tal-livelli massimi eżistenti għan-nutrijenti li ġejjin: tijamina, riboflavin, aċidu pantoteniku, vitamina B12, bijotina, klorur, sodju, siliċju;
- livelli massimi miżjuda għan-nutrijenti li ġejjin: vitamina Ċ, vitamina D, vitamina E, vitamina K, aċidu foliku, boron, fluworidu, ħadid, u
- livelli massimi mnaqqsa għal: manganiż.
Ħarsa ġenerali fir-rigward tal-livelli massimi stabbiliti f’dan l-abbozz ta’ digriet: vitamina A: 1 200 µg, niaċina: 54 mg, vitamina B6: 6 mg, vitamina Ċ: 1 000 mg, vitamina D: 75 µg, vitamina E: 39 mg, vitamina K: 210 µg, aċidu foliku: 500 µg, boron: 3 mg, kalċju: 1 600 mg, kromju 187.5 µg, fluworidu 1.7 mg, fosforu: 1 600 mg, ħadid: 45 mg, jodju: 225 µg, potassju: 6 000 mg, ram: 2 mg, manjeżju: 450 mg, manganiż: 1 mg, molibdenu: 225 µg, silenju: 105 µg, żingu: 22.5 mg.
Il-livelli massimi għal bosta nutrijenti ġew miżjuda jew imneħħija. Biex jiġi żgurat l-użu sikur fir-rigward ta’ tliet nutrijenti, se jkunu meħtieġa twissijiet obbligatorji fl-ittikkettar tal-prodotti li jkun fihom livell partikolari tan-nutrijent ikkonċernat:
- oġġetti tal-ikel li fihom doża ta’ kuljum tal-vitamina K li teċċedi 25 μg għandhom juru t-twissija li ġejja: “Mhux adattat għal persuni li jieħdu l-antikoagulanti tal-kumarin.”;
- oġġetti tal-ikel li fihom doża ta’ kuljum ta’ potassju ta’ mill-anqas 1 000 mg għandhom juru t-twissija li ġejja: “Mhux adattat għal anzjani jew persuni bi problemi fil-kliewi, b’dijabete reżistenti għall-insulina jew għal persuni b’ipertensjoni arterjali.” u
- oġġetti tal-ikel li fihom doża ta’ kuljum ta’ żingu li teċċedi 10 mg għandhom juru t-twissija li ġejja: “Id-doża ta’ żingu għandha tkun limitata għal perjodu ta’ ftit ġimgħat/xhur.”.
L-abbozz ta’ digriet jipprevedi talbiet għal deroga mil-livelli massimi. Talbiet għal deroga jridu jiġu ssostanzjati kif dovut.
L-abbozz ta’ digriet jistabbilixxi wkoll li l-unika formulazzjoni tal-vitamina tan-niaċina li għandha l-permess tiġi miżjuda mas-supplimenti tal-ikel u mal-ikel imsaħħaħ, hija n-nikotinammid.
Barra minn hekk, id-digriet jinkludi proposta biex jiġi ssimplifikat ir-rekwiżit ta’ notifika eżistenti għall-ikel imsaħħaħ. Il-proċedura ta’ notifika ma tirrikjedix aktar lista sħiħa ta’ ingredjenti tal-prodott tal-ikel imsaħħaħ peress li issa huwa biżżejjed tagħrif dwar in-nutrijenti miżjuda (tip u ammont) għal kull doża ta’ kuljum rakkomandata jew għal kwantità tan-nutrijent ekwivalenti għad-doża medja ta’ kuljum tan-nutrijent.
L-abbozz ta’ digriet iġib it-terminoloġija tad-digriet eżistenti f’konformità mar-Regolament (UE) Nru 1169/2011 dwar l-għoti ta’ informazzjoni dwar l-ikel lill-konsumaturi: ġew adattati l-ismijiet tan-nutrijenti u tintuża l-kelma “konsum referenzjali” (minflok “id-doża ta’ kuljum rakkomandata”).
Fl-aħħarnett dan l-abbozz ta’ digriet iżid artikolu addizzjonali mad-digriet eżistenti b’rabta mad-dispożizzjonijiet dwar ir-rikonoxximent reċiproku.
Bħala miżura tranżitorja, l-oġġetti tal-ikel li ma jikkonformawx mad-dispożizzjonijiet tal-abbozz, iżda huma konformi mad-dispożizzjonijiet tad-digriet eżistenti, xorta jistgħu jitqiegħdu fis-suq sa massimu ta’ sentejn mid-data tad-dħul fis-seħħ ta’ dan l-abbozz ta’ digriet.
9. Il-livelli massimi attwali għal vitamini, minerali u mikroelementi stabbiliti fid-digriet eżistenti, imorru lura għal 1992. L-abbozz tad-digriet qiegħed jadotta livelli massimi modifikati abbażi ta’ dejta xjentifika riċenti.
Barra minn hekk, il-livelli massimi f’dan l-abbozz ta’ digriet huma ppreżentati f’format aktar aċċessibbli: il-livelli massimi huma murija b’mod konvenjenti fl-Anness 1, filwaqt li fid-digriet eżistenti l-livelli massimi jridu jiġu kkalkolati.
Il-livelli massimi proposti fl-abbozz ta’ digriet huma bbażati fuq l-Opinjoni Nru 9285 tal-Kunsill tas-Saħħa Superjuri (SHC) fir-rigward tar-rakkomandazzjonijiet tad-dieta għall-Belġju, maħruġa fis-7 ta’ Settembru 2016 (http://www.health.belgium.be/nl/advies-9285-voedingsaanbevelingen-voor-belgie-2016, disponibbli bin-Netherlandiż u bil-Franċiż). Intużat ukoll id-dejta l-aktar reċenti li tirriżulta mill-Istħarriġ dwar il-Konsum tal-Ikel tal-2014 fir-rigward tad-doża ta’ vitamini, minerali u mikroelementi (https://fcs.wiv-isp.be/SitePages/Home.aspx).
Il-livelli massimi għal kważi n-nutrijenti kollha żdiedu jew baqgħu l-istess. L-unika eċċezzjoni hija l-mikroelement manganiż li l-livell massimu tiegħu tnaqqas minn 5.25 mg għal 1 mg minħabba n-newrotossiċità tiegħu bħala riżultat tal-akkumulazzjoni tal-manganiż (SHC, 2016).
Sabiex jiġi evitat ir-riskju ta’ effetti sekondarji relatati mal-aċidu nikotiniku (SHC, 2016), il-formulazzjonijiet tal-vitamini l-aċidu nikotiniku u l-eżanikotinat tal-inositol mhumiex permessi li jiġu miżjuda mas-supplimenti tal-ikel u mal-ikel imsaħħaħ, filwaqt li n-nikotinammid għandu dan il-permess.
It-twissijiet introdotti fl-abbozz ta’ digriet fir-rigward ta’ tliet nutrijenti fil-prodotti li jkun fihom livell partikolari ta’ dawn in-nutrijenti, huma maħsuba sabiex jiżguraw is-sikurezza ta’ ċerti gruppi fil-mira vulnerabbli. Barra minn hekk, dawn it-twissijiet huma bbażati fuq l-Opinjoni Nru 9285 tal-SHC fir-rigward tar-rakkomandazzjonijiet tad-dieta għall-Belġju, maħruġa fis-7 ta’ Settembru 2016.
10. Restrizzjoni tal-kummerċ jew tal-użu ta’ sustanza, preparazzjoni jew prodott kimiku.
In-numri jew it-titoli tat-testi bażiċi: Id-Digriet Irjali tat-3 ta’ Marzu 1992 dwar it-tqegħid fis-suq ta’ nutrijenti u ta’ oġġetti tal-ikel li magħhom ġew miżjuda n-nutrijenti.
11. Le
12. -
13. Le
14. Le
15. -
16. Aspett OTK
Le - L-abbozz m’għandux impatt sinifikanti fuq il-kummerċ internazzjonali.
Aspett SPS
Le - L-abbozz m’għandux impatt sinifikanti fuq il-kummerċ internazzjonali.
**********
Il-Kummissjoni Ewropea
Direttiva tal-Pont ta’ kuntatt (UE) 2015/1535
Fax: +32 229 98043
email: grow-dir83-189-central@ec.europa.eu
