Messaġġ 002
Komunika mill-Kummissjoni - TRIS/(2021) 00996
Direttiva (UE) 2015/1535
Traduzzjoni tal-messaġġ 001
Notifika: 2021/0161/P
No abre el plazo - Nezahajuje odklady - Fristerne indledes ikke - Kein Fristbeginn - Viivituste perioodi ei avata - Καμμία έναρξη προθεσμίας - Does not open the delays - N'ouvre pas de délais - Non fa decorrere la mora - Neietekmē atlikšanu - Atidėjimai nepradedami - Nem nyitja meg a késéseket - Ma’ jiftaħx il-perijodi ta’ dawmien - Geen termijnbegin - Nie otwiera opóźnień - Não inicia o prazo - Neotvorí oneskorenia - Ne uvaja zamud - Määräaika ei ala tästä - Inleder ingen frist - Не се предвижда период на прекъсване - Nu deschide perioadele de stagnare - Nu deschide perioadele de stagnare.
(MSG: 202100996.MT)
1. MSG 002 IND 2021 0161 P MT 16-03-2021 P NOTIF
2. P
3A. Ministério da Economia
Instituto Português da Qualidade
Rua António Gião, 2
2829-513 Caparica
Telefone: + 351 21 294 81 00
Fax: + 351 21 294 82 23
e-mail: not1535@ipq.pt
site: www.ipq.pt
3B. Ministério do Ambiente
Agência Portuguesa do Ambiente, I.P.
Rua da Murgueira, 9/9A- Zambujal Ap 7585
2611-865 Amadora
e-mail: geral@apambiente.pt
site: www.apambiente.pt
4. 2021/0161/P - S00E
5. Dan l-abbozz ta’ Digriet Liġi idaħħal fil-liġi nazzjonali Direttiva (UE) 2019/904 tal-Parlament Ewropew u tal-Kunsill tal-5 ta’ Ġunju 2019 dwar it-tnaqqis tal-impatt ta’ ċerti prodotti tal-plastik fuq l-ambjent (Direttiva dwar is-SUP).
Dan l-abbozz ta’ Digriet Liġi huwa wkoll l-ewwel bidla għall-Liġi Nru 77/2019 tat-2 ta’ Settembru, li toħloq l-obbligu li l-konsumaturi jkollhom alternattiva għall-basktijiet tal-plastik ultra ħfief u l-kuvetti tal-plastik fil-ħwienet tal-ħobż, tal-frott u tal-ħaxix.
Il-Liġi Nru 76/2019 tat-2 ta’ Settembru qed tiġi mħassra wkoll, filwaqt li wħud mill-artikli tagħha qed jiżdiedu ma’ dan l-abbozz, sabiex il-kliem ikun konsistenti ma’ dak li huwa suġġerit fid-Direttiva SUP.
6. Il-prodotti li jaqgħu taħt din-notifikazzjoni huma:
- Tazzi għax-xorb, inklużi l-għotjien tagħhom;
- Kontenituri tal-ikel, kaxxi bl-għatu jew mingħajr għatu, użati jitqiegħed fihom ikel li:
• huwa maħsub għall-konsum immedjat, jew fuq il-post jew ‘take-away’,
• ġeneralment jiġi kkunsmat mill-kontenitur, u
• lest biex jiġi kkunsmat mingħajr iktar tħejjijiet, bħal tisjir, togħlija jew tisħin,
inklużi kontenituri tal-ikel użati għall-fast food jew ikel ieħor lest għall-konsum immedjat, ħlief għall-kontenituri tax-xorb, platti u pakketti u tgeżwir li fihom l-ikel;
- Bsaten ta’ cotton buds, sakemm ma jaqgħux taħt Digriet Liġi Nru 145/2009 tas-17 ta’ Ġunju;
- Pożati (frieket, skieken, mgħaref, chopsticks);
- Platti;
- Straws, sakemm ma jaqgħux taħt Digriet Liġi Nru 145/2009 tas-17 ta’ Ġunju kif miktub bħalissa;
- Ħwejjeġ biex jitħawwad ix-xorb;
- Lasti, inkluż il-mekkaniżmi tagħhom, li jridu jitwaħħlu mal-bżieżaq, ħlief fil-każ ta’ bżieżaq li jintużaw għal skopijiet industrijali jew professjonali u li ma jingħatawx lill-konsumaturi;
- Kontenituri tal-ikel magħmulin minn polistirene espandut, bħal pereżmju kaxxi, bl-għatu jew mingħajru, użati biex ikun fihom ikel li:
• huwa maħsub għall-konsum immedjat, jew fuq il-post jew ‘take-away’,
• ġeneralment jiġi kkunsmat mill-kontenitur, u
• lest biex jiġi kkunsmat mingħajr iktar tħejjijiet, bħal tisjir, togħlija jew tisħin,
inklużi kontenituri tal-ikel użati għall-fast food jew ikel ieħor lest għall-konsum immedjat, ħlief għall-kontenituri tax-xorb, platti u pakketti u tgeżwir li fihom l-ikel;
- Kontenituri tax-xorb magħmula minn polistiren imkabbar, inklużi l-għotjien tagħhom;
- Tazzi tax-xorb magħmula minn polistiren imkabbar, inklużi l-għetien u l-għotjien tagħhom;
- Kontenituri tax-xorb li li jifilħu mhux iktar minn tliet litri, jiġifieri reċipjenti li jintużaw biex jitqiegħed fihom il-likwidu, bħal fliexken tax-xorb inklużi l-għetien u l-għotjien tagħhom u imballaġġ kompost tax-xorb inklużi l-għetien u l-għotjien tagħhom, iżda mhux:
- kontenituri tax-xorb tal-ħġieġ jew tal-metall li għandhom għetien u għotjien magħmulin mill-plastik;
- kontenituri tax-xorb maħsuba u użati għall-ikel likwidu għal skopijiet speċjali ta’ saħħa skont punt (g) ta’ Artiklu 2 tar-Regolament (UE) Nru 609/2013 tal-Parlament Ewropew u tal-Kunsill (3);
- Xugamani sanitarji (pads), tampuni u għodda għall-użu tat-tampuni;
- Srievet nidjin, jiġifieri, srievet niedja għall-użu tad-dar u għall-kura personali;
- Prodotti tat-tabakk b’filtri u filtri mqiegħda fis-suq biex jintużaw għal mal-prodotti tat-tabakk;
- Pakketti u prodotti ta’ kisi magħmulin minn materjal flessibbli li jkun fih ikel maħsub għall-konsum immedjat mill-pakkett jew mill-prodotti miksija mingħajr iktar tħejjija;
- Basktijiet tal-plastik ħfief;
- Bżieżaq, ħlief fil-każ ta’ bżieżaq li jintużaw għal skopijiet industrijali jew professjonali u li ma jingħatawx lill-konsumaturi;
- Prodotti li jintużaw darba biss u li magħmula minn plastik oxodegradabbli;
- Apparat tas-sajd li fih il-plastik.
L-abbozz fih ukoll xi rekwiżiti għall-imballaġġ li jintuża darba biss li jkun magħmul minn materjali ta’ kwalunkwe tip (kemm tal-plastik u mhux tal-plastik).
7. — Direttiva (UE) 2019/904 tal-Parlament Ewropew u tal-Kunsill tal-5 ta’ Ġunju 2019 dwar it-tnaqqis tal-impatt ta’ ċerti prodotti tal-plastik fuq l-ambjent.
8. Skont Artiklu 4 tad-Direttiva (UE) 2019/904, l-abbozz ta’ Liġi joħloq miżuri biex jitnaqqas il-konsum tat-tazzi għax-xorb u tal-kontenituri tal-ikel għall-konsum immedjat. Il-miri ta’ tnaqqis huma maħduma skont l-unitajiet imqiegħda fis-suq:
• Sal-31 ta’ Diċembru 2026, tnaqqis ta’ 30% fil-konsum meta mqabbel mal-2022;
• Sal-31 ta’ Diċembru 2030, tnaqqis ta’ 50% fil-konsum meta mqabbel mal-2022 (Artiklu 7 tal-abbozz tad-Digriet Liġi).
Il-miżuri li ġejjin qed jinħolqu biex iwasslu għall-kisba ta’ dawn l-għanijiet:
• Mill-1 ta’ Jannar 2023, l-istabbilimenti li jużaw kontenituri tal-ikel li jintużaw darba biss għall-ikel u x-xorb lesti biex jittieklu, kemm għat-take away kif ukoll għall-ikel imwassal fid-djar, għandhom ikunu meħtieġa li joffru alternattivi li jistgħu jerġgħu jintużaw lill-klijenti tagħhom;
• Stabbilimenti b’arja ta’ inqas minn 150 metru kwadru jistgħu jagħżlu li ma jimxux ma’ dan l-obbligu, iżda għandhom jimxu skont Artiklu 15b(1) tad-Digriet Liġi 152-D/2017 (il-klijenti jistgħu jġibu l-kontenituri tagħhom stess);
• Fil-każ tal-bejgħ tal-ikliet lesti biex jittieklu minn magni tal-bejgħ, il-konformità mal-obbligu li jiġu pprovduti alternattivi li jistgħu jintużaw mill-ġdid tista’ tiġi żgurata billi l-klijenti jitħallew jużaw il-kontenituri tagħhom stess;
• Mill-1 ta’ Jannar 2022, l-użu tal-platti li jistgħu jerġgħu jintużaw fir-ristoranti u fil-pubs kollha għandu jkun obbligatorju fil-każ tal-bejgħ għall-konsum fuq il-post;
• Qed issir referenza għall-miżuri ta’ Artiklu 25b ta’ Digriet Liġi 152-D/2017 (l-obbligu li jiġu aċċettati l-kontenituri tal-klijenti) u Artiklu 320 ta’ Liġi Nru 75-B/2020 tal-31 ta’ Diċembru (ħolqien ta’ kontribuzzjoni ta’ EUR 0.30 għal kull kontenitur magħmul mill-plastik, mill-aluminju, b’taħlita ta’ plastik u materjal ieħor jew bil-plastik imħallat mal-aluminju għall-ikliet lesti biex jittieklu, għall-ikliet lesti biex jittieklu għall-konsum immedjat, għat-take-aways u għall-ikliet lesti biex jittieklu li jitwasslu fid-djar).
Skont Artiklu 5 tad-Direttiva 2019/904, il-bejgħ ta’ ċerti oġġetti tal-plastik li jintużaw darba biss (Artiklu 4 tal-abbozz tad-Digriet Liġi) huwa pprojbit.
Barra minn hekk, l-abbozz ta’ liġi jipprojbixxi l-bejgħ ta’ ċerti prodotti tal-plastik li jintużaw darba biss lill-konsumatur aħħari tar-ristoranti (kemm jekk il-klijent qed jisserva fuq il-mejda jew le), fis-servizzi tal-ikel u tax-xorb offruti fuq it-trasport pubbliku, b’mod partikolari fit-trasport bl-ajru, bil-ferrovija, bil-baħar, għall-vjaġġi bit-triq fit-tul u fil-ħwienet (Artiklu 5 tal-abbozz ta’ Digriet Liġi).
Skont Artiklu 6 ta’ Direttiva 2019/904, l-abbozz tad-Digriet Liġi jimponi li:
• Mit-3 ta’ Lulju 2024, il-kontenituri tax-xorb tal-plastik li jintużaw darba biss li jesgħu sa tliet litri jistgħu jitqiegħdu fis-suq biss jekk l-għatien u l-għotjien jibqgħu mwaħħla mal-kontenituri (Artiklu 10 tal-abbozz tad-Digriet Liġi);
• Mill-1 ta’ Jannar 2025, il-fliexken tal-PET għax-xorb li jintużaw darba biss li jesgħu sa tliet litri għandhom ikunu magħmula minn mill-inqas 25% ta’ plastik riċiklat. Dan il-perċentwal għandu jinaħdem bħala medja għall-fliexken tal-PET kollha mqiegħda fis-suq u dawn l-għanijiet għandhom jintlaħqu kull sena minn kull-persuna li tippakkja u li tbiegħ il-fliexken;
• Mill-1 ta’ Jannar 2030, il-fliexken tal-plastik għax-xorb li jintużaw darba biss li jesgħu sa tliet litri, inklużi l-għatien u l-għotjien tagħhom għandhom ikunu magħmula minn mill-inqas 30% ta’ plastik riċiklat. Dan il-perċentwal għandu jinaħdem bħala medja għall-fliexken tal-PET kollha mqiegħda fis-suq u dawn l-għanijiet għandhom jintlaħqu kull sena minn kull-persuna li tippakkja u li tbiegħ il-fliexken; (Artiklu 11 tal-abbozz tad-Digriet Liġi).
Skont Artiklu 7 tad-Direttiva 2019/904, l-abbozz tad-Digriet Liġi jgħid li mit-3 ta’ Lulju 2021, ċerti prodotti tal-plastik li jintużaw darba biss jistgħu jinbiegħu biss jekk ikunu konformi mad-dispożizzjonijiet tal-immarkar imsemmija fir-Regolament ta’ Implimentazzjoni tal-Kummissjoni (UE) 2020/2151 tas-17 ta’ Diċembru 2020 (Artiklu 12 tal-abbozz tad-Digriet Liġi).
Skont Artiklu 8 tad-Direttiva (UE) 2019/904, l-abbozz tad-Digriet Liġi jimponi:
• Id-dħul fis-seħħ, sal-1 ta’ Jannar 2023, tal-iskema ta’ responsabbiltà estiża li qed tintuża bħalissa għall-produttur tal-imballaġġ u l-iskart tal-imballaġġ (Artiklu 13 tal-abbozz tad-Digriet Liġi);
• Sal-1 ta’ Jannar 2023, il-ħolqien ta’ skema ta’ responsabbiltà tal-produttur estiża għall-prodotti tat-tabakk b’filtri u filtri mibjugħa għall-użu flimkien mal-prodotti tat-tabakk;
• Sal-1 ta’ Jannar 2025, il-ħolqien ta’ skema ta’ responsabbiltà estiża għal srievet niedja, bżieżaq u kikkri tax-xorb (mhux l-imballaġġ) (Artiklu 14 tal-abbozz tad-Digriet Liġi);
• Sal-1 ta’ Jannar 2025, il-ħolqien ta’ skema ta’ responsabbiltà tal-produttur estiża għall-apparat tas-sajd li qed jinbiegħ li jkun fih il-plastik, li skontha tiġi maħduma r-rata nazzjonali minima annwali għall-ġbir tal-iskart mill-apparat tas-sajd li jkun fih il-plastik għar-riċiklaġġ (Artiklu 14 tal-abbozz tad-Digriet Liġi);
• L-abbozz tad-Digriet Liġi jitlob li dawn l-iskemi ta’ responsabbiltà tal-produttur estiża ikopru l-ispejjeż imsemmija fid-Direttiva SUP (Artiklu 15 tal-abbozz tad-Digriet Liġi);
• L-abbozz ta’ Digriet Liġi joħloq ukoll l-obbligazzjonijiet li għandhom x’jaqsmu ma’ rappreżentant awtorizzat (Artiklu 16 tal-abbozz tad-Digriet Liġi).
Skont Artiklu 9 tad-Direttiva (UE) 2019/904, l-abbozz ta’ liġi tad-Digriet Liġi jitlob li l-produtturi tal-fliexken tal-plastik għax-xorb li jintużaw darba biss b’kapaċità sa tliet litri, inklużi l-għatien u l-għotjien tagħhom, għandhom jiżguraw li l-iskart tagħhom jinġabar separatament għar-riċiklaġġ:
• Sal-31 ta’ Diċembru 2025, mill-inqas 77% ta’ dawn il-prodotti mibjugħa f’sena partikolari, skont il-piż;
• Sal-31 ta’ Diċembru 2029, mill-inqas 90% skont il-piż (Artiklu 17 tal-abbozz tad-Digriet Liġi ).
Kliem ewlieni: Prodotti tal-plastik li jintużaw darba biss, imballaġġ li jintuża darba, li jista’ jerġa’ jintuża.
9. Dan l-abbozz tad-Digriet-Liġi ġie mfassal biex ikun jimxi mal-obbligu tad-dħul fil-liġi nazzjonali tad-Direttiva (UE) 2019/904 tal-Parlament Ewropew u tal-Kunsill tal-5 ta’ Ġunju 2019 dwar it-tnaqqis tal-impatt ta’ ċerti prodotti tal-plastik fuq l-ambjent.
Biex Liġijiet Nru 76/2019 tat-2 ta’ Settembru u 77/2019 tat-2 ta’ Settembru jiġu jaqblu, tal-ewwel qed titħassar u wħud mill-artikli ġew qed jiddaħħlu fl-abbozz ta’ liġi li qed jiġi avżat issa, u t-tieni waħda ġiet mibdula.
10. Liġi(jiet) bażi: Liġi Nru 76/2019 tat-2 ta’ Settembru.
Liġi Nru 77/2019 tat-2 ta’ Settembru.
Digriet Liġi Nru 152-D/2017 tal-11 ta’ Diċembru, kif mibdul u ppubblikat mill-ġdid b’Digriet Liġi Nru 102-D/2020 tal-10 ta’ Diċembru.
Liġi Nru 75-B/2020 tal-31 ta’ Diċembru.
11. Le
12. -
13. Le
14. Le
15. -
16. Kunsiderazzjonijiet OTK
Le - l-abbozz m’għandux impatt sinifikanti fuq il-kummerċ internazzjonali.
Kunsiderazzjonijiet MSF
Le - l-abbozz m’għandux impatt sinifikanti fuq il-kummerċ internazzjonali.
**********
Il-Kummissjoni Ewropea
Direttiva tal-Pont ta’ kuntatt (UE) 2015/1535
Fax: +32 229 98043
email: grow-dir2015-1535-central@ec.europa.eu
